Úsáidtear fianáin ar an suíomh gréasáin seo chun d'eispéireas brabhsála a fheabhsú agus chun eolas a bhailiú faoin úsáid a bhaineann tú as an suíomh seo chun an tseirbhís atá á soláthar againn a fheabhsú. Mura nglactar le fianáin ní oibreoidh gnéithe áirithe den suíomh, cosúil le físeán. Tabhair cuairt ar leathanach ár bPolasaí Fianáin más mian leat tuilleadh eolais a fháil faoin úsáid a bhainimid as fianáin.

Glac le Gach Fianán Fianáin Riachtanacha Amháin Bainistigh Fianáin

Scéimeanna eolais maidir le TCI

Tá an Garda Síochána tiomanta do bheartais nuálacha a fhorbairt atá dírithe ar chaighdeán na seirbhíse a chuireann siad ar fáil don phobal agus caighdeán na beatha sa phobal a fheabhsú. Mar chuid den iarracht chun laghdú a dhéanamh ar choireacht, iompar frithshóisialta, mí-ord poiblí, loitiméireacht agus eagla ginearálta roimh an choireacht, tá an Garda Síochána i bhfabhar córais TCI mar chabhair don phóilíneacht.


Tá éileamh náisiúnta ag teacht ó ghrúpaí pobail agus grúpaí gnó chun córais TCI a chur i bhfeidhm ina mbailte agus ina gcathracha féin. Cé go mbaineann an-bhuntáiste le TCI a bheith á húsáid ag seirbhís phóilíneachta, d’fhéadfadh tionchar díreach a bheith aige sin ar chearta an duine.  Mar sin, ní mór a tabhairt isteach a phleanáil go cúramach agus a húsáid a bhainistiú ar bhealach inniúil.
De réir Alt 38 d’Acht an Gharda Síochána, 2005, caithfidh Coimisinéir an Gharda Síochána údarú a dhéanamh ar na Scéimeanna Pobail  maidir le TCI. Tagann coiste comhairleach TCI le chéile gach ráithe chun breithniú a dhéanamh ar iarratais ar thionscadail TCI, chun iad a chur i gcatagóirí iomchuí agus chun moltaí a dhéanamh fúthu maidir leis na critéir oibiachtúla a leagtar amach sa bheartas. Is é Coimisinéir na nGardaí a cheapann an coiste.

Déantar Scéimeanna Pobail a fhoráil faoi Alt 38 (3) (c) d’Acht an Gharda Síochána, 2005 agus déantar Scéimeanna Garda a fhoráil faoi Alt 38 (3) (a) d’Acht an Gharda Síochána, 2005.


Déantar foráil san Acht fán gCoinbhinsiún Eorpach um Chearta an Duine 2003, a tháinig i bhfeidhm an 31 Nollaig 2003, “go gcomhlíonfaidh gach organ de chuid an Stáit a fheidhmeanna ar shlí atá ar comhréir le hoibleagáidí an Stáit faoi fhorálacha an Choinbhinsiúin”. Is “organ de chuid an Stáit” é an Gharda Síochána ar chúiseanna Acht 2003.

Maoiniú na Scéimeanna maidir le TCI

Cuireann an Roinn Dlí agus Cirt agus Comhionannais cúnamh airgeadais ar fáil d’eagraíochtaí áitiúla cáilitheacha chun costais caipitil a bhaineann le córais TCI do phobail áitiúla a bhunú a íoc. Beidh an scéim cúnaimh deontais seo um TCI do Phobail Áitiúla á rith ar feadh 3 bliana agus cuirfear maoiniú €1 milliún ar fáil gach bliain. Is féidir teacht ar thuilleadh eolais agus na doiciméid ar fad maidir leis an Scéim ar shuíomh Gréasáin na Roinne Dlí agus Cirt agus Comhionannais.

OSZAR »